فائل فوٹو

ملک میں اپریل کے اختتام تک کورونا پھیلنے کے خدشے کا اظہار کردیا گیا۔

وزیراعظم عمران خان نے اپریل کے آخر تک ملک میں کورونا کیسز میں اضافے کا خدشہ ظاہر کردیا۔

کورونا کی صورتحال پر اظہار خیال کرتے ہوئے وزیراعظم نے کہا، لوگوں کے جمع ہونے سے وائرس تیزی سے پھیلنے کا خطرہ ہے۔

ان کا کہنا تھا کہ احتیاط ہی کورونا کا علاج ہے، قوم ذمہ داری کا احساس کرتے ہوئے بیماری کا سنجیدگی سے مقابلہ کرے،

انہوں نے مزید کہا کہ  خدا کے واسطے اس غلط فہمی میں نہ رہیں کہ پاکستانیوں کو کچھ نہیں ہوگا۔

عمران خان کا کہنا تھا کہ  بزرگوں کیلیے یہ بڑی خطرناک بیماری ہے، وینٹی لیٹر نہ ہوئے تو علاج نہیں کر پائیں گے۔